මෙම වැඩසටහනේ ප්‍රධාන අරමුණ වන්නේ රැකියා අපේක්ෂිතයින් හා රැකියා සපයන්නන් එක් ස්ථානයකට රැස්කොට, රැකියාගත වීමේ කටයුතු සඳහා පහසුකම් සැලසීම වේ.

පළමු දිනයේ දී, සම්මුඛ පරීක්ෂණ මගින් වැඩසටහන සදහා ප්‍රතිලාභීන් තෝරා ගැනීම සිදු කෙරේ.

දෙවන දිනයේ දී, ආකල්ප සංවර්ධන වැඩසටහන්, රැකියා ක්ෂේත්‍ර පිළිබඳ දැනුවත් කිරීමේ වැඩසටහන්, විවිධ රැකියා සඳහා පොළඹවීම් ඇති කෙරේ.

තුන්වන දිනයේ දී පෞද්ගලික අංශයේ රැකියා ආයතන පිළිබඳ දැනුවත් කර සම්මුඛ පරීක්ෂණ සඳහා යොමු කිරීම සිදු කෙරේ.

රැකියා අපේක්ෂිත තරුණ තරුණියන්ගේ මෘදු කුසලතා සංවර්ධනය කිරීම හා රැකියා ගත වීමට පෙළෙඹවීම පුහුණු කිරීම තුළින් රැකියා ගත වීමට අවශ්‍ය මග පෙන්වීම කරනු ලබන රැකියා යෝග්‍යතා සංවර්ධන වැඩසටහනකි. මෙම වැඩසටහන මගින්,

• පාසල් අධ්‍යාපනය අවසන් කර ශ්‍රම වෙළෙදපොළට එකතු වන ප්‍රජාව හට වැඩ ලෝකයට පිවිසීමට මං පෙත් විවර කර දීම.
• රැකියා සදහා බදවා ගැනීමේදී අධ්‍යාපනික දැනුමට අමතරව පෞද්ගලික අංශය අපේක්ෂා කරන මූලික කුසලතා පුහුණු කර පෞද්ගලික අංශය අපේක්ෂා කරන ශ්‍රමිකයින් බවට පත් කිරීමෙන් තරුණ ප්‍රජාව රැකියා ගත කිරීම සිදු කෙරේ.
• පුහුණුවට අදාල සහතික පත්‍රයක් ලබා දීම සිදු කෙරේ.

ගෝලීය වශයෙන් සලකා බැලීමේදී ආර්ථික ක්‍රියාවලියේ විවිධාංගීකරණය තුල සංචාරක කර්මාන්තය ප්‍රධානතම ආර්ථික ක්‍රියාවලියක් වී ඇති අතර ලෝකයේ සෑම රටකම මෙම සංචාරක කර්මාන්තය ජාතික ආර්ථිකයට වැදගත් ස්ථානයක් හිමිකර දී ඇත.

වර්ථමානයේ විශාල වශයෙන් විදේශ විනිමය රට තුළට ගලා එන මාධ්‍යයක් හා රැකියා ලෝකයේ වැඩිම රැකියා ප්‍රමාණයක් බිහිකිරීමේ අභියෝගය බාරගත් ක්ෂේත්‍රයක් බවට පත් වී ඇත. ශ්‍රී ලංකාවේද සංවර්ධන ක්‍රියාවලියේ අරමුණු ස්ථානගත වන්නේ සංචාරක ක්ෂේත්‍රයේ ඉලක්ක සපුරාලීම මුල් කරගෙන බව රජයේ ප්‍රතිපත්ති දෙස බැලීමේදී පැහැදිලි වේ. මෙම ව්‍යාපෘතියේ අරමුණු වන්නේ..,

• මෙම ක්ෂේත්‍රය පිළිබද ප්‍රායෝගික පුහුණුව සපයා දීම තුළින් රැකියා සදහා යොමු කිරීම.
• මෙම අංශයේ සේවා සපයන ආයතන වල පුරප්පාඩු හදුනාගෙන වැඩසටහන සම්බන්ධවන ප්‍රතිලාභින්ගේ එම පුරප්පාඩු සදහා අනුයුක්ත කිරීම.
• මෙම ක්ෂේත්‍රය තුළින් උත්පාදනය වන ස්වයං රැකියා අවස්ථා පිළිබද දැනුවත් කිරීම, පුහුණුව සදහා යොමු කිරීම, ව්‍යාපාර පවත්වාගෙන යාමට අවශ්‍ය සේවා සැපයීම සිදු කිරීම.
• පුහුණුවට අදාල සහතික පත්‍රයක් ලබා දීම සිදු කෙරේ.

This page is under construction

පෞද්ගලික හා කණ්ඩායම් මට්ටමින් වෘත්තීය මාර්ගෝපදේශනය හා උපදේශන සේවාවන් ලබාදීම

වැඩ ලොවට පිවිසෙන සේවාලාභින්ගේ වෘත්තීයකට පිවිසීම, නියැලීම, වෘත්තීය සංවර්ධනය ආදි විවිධ අදියරයන් වලදී මෙන්ම ජීවිතයේ සෑම තීරණාත්මක අවස්ථාවලදී අවශ්‍ය තීරණ ගැනීම උදෙසා සවිබලගැන්වීම අත්‍යවශය වේ. මේ සඳහා පෞද්ගලික උපදේශනය මගින් ඉටු වන්නේ සුවිශාල මෙහෙවරකි. දිස්ත්‍රික් ලේකම් කාර්යාල හා ප්‍රාදේශීය ලේකම් තාර්යාලයන්හි සේවයේ නියුතු වෘත්තීය මාර්ගෝපදේශ නිළධාරින් / මානව සම්පත් සංවර්ධන නිළධාරීන් / සංවර්ධන නිලධාරීන් මගින් සේවාලාභින් උදෙසා කණ්ඩායම් හා පෞද්ගලික මටිටමින් උපදේශන සේවාවන් ලබා දෙනු ලැබේ.

ඔබේ ජයමගට අපේ පෙරමගක් අ.පො.ස (සා.පෙළ.) සිසුන් දැනුවත්කිරීමේ වෘත්තීය මාර්ගෝපදේශ වැඩමුඵව

වර්ෂයකට අ.පො.ස (සා.පෙළ.) විභාගයෙන් ආසන්න වශයෙන් 50% පමණ පිරිසක් අ.පො.ස (උ.පෙළ.) සදහා සුදුසුකම් ලබන අතර තවත් විශාල ප්‍රමාණයක් නුපුහුණු ශ්‍රමිකයන් ලෙස වෘත්තීය සැලැස්මකින් තොරව වැඩ ලෝකයට පිවිසේ. උ.පෙළ. සදහා සුදුසුකම් ලබන සිසුන්ට තම හැකියාවන්, ලැදියාවන් හා අගය කිරීම් අනාගත වෘත්තීය අරමුණු අනුව උ.පෙළ. විෂය ධාරාව තෝරා ගැනීමටත්, පාසලින් ඉවත්වන දරුවන්ට ඵළදායි ලෙස වැඩලෝකයට අනුගතවීම සදහා අවශ්‍ය මාර්ගෝපදේශ හා උපදේශන සේවාවන් ලබාදීම අත්‍යවශ්‍ය වේ.

ඔබේ ජයමගට අපේ පෙරමගක් අ.පො.ස (උ.පෙළ.) සිසුන් දැනුවත්කිරීමේ වෘත්තීය මාර්ගෝපදේශ වැඩමුඵව

වර්ෂයකට අ.පො.ස (උ.පෙළ.) විභාගයෙන් 5% පමණ පිරිසක් විශ්ව විද්‍යාලය සදහා සුදුසුකම් ලබන අතර තවත් විශාල ප්‍රමාණයක් නුපුහුණු ශ්‍රමිකයන් ලෙස වෘත්තීය සැලැස්මකින් තොරව වැඩලෝකයට පිවිසේ. මෙනිසා පාසලින් ඉවත් වන දරුවන්ට පාසලින් ඉවත්වීමට ප්‍රථම වෘත්තීය සැලැස්මක් සහිතව වැඩලෝකයට පිවිසීමටත්, ඵළදායි ලෙස වැඩලෝකයට අනුගතවීම සදහා අවශ්‍ය මාර්ගෝපදේශ හා උපදේශන සේවාවන් ලබාදීම අත්‍යවශය වේ.

වෘත්තිය සැලසුම් ජය ගැනීම - රැකියා විරහිත තරුණ තරුණියන් සදහා

පාසල් අධ්‍යාපනයෙන් පසුව තරුණ තරුණියන් විශාල ප්‍රමාණයක් නිවැරැදි වෘත්තීය සැලැස්මකින් තොරව, රැකියාවක් නොමැතිව නිකරුණේ කාළය ගතකරන අතර එය රටේ සමාජ ආර්ථීක සංවර්ධනයට බාධාවක් වන අතර විවිධ අර්බුධ නිර්මාණයවීම සදහාද බලපෑම් සහගත වේ. එබැවින් ඉදිරි දැක්මක් සහිතව ජීවිතය සැලසුම් කොට ගැනීමටත්, නිර්මාණශිලිව වැඩ ලෝකයට අනුගත වීමටත් අවශ්‍ය මාර්ගෝපදේශය හා උපදේශනය ලබාදීම අත්‍යවශ්‍ය වේ.

"ඔබ අසිරිමත්ය" උපාධිධාරි වැඩසටහන

වර්ෂයකට ශ්‍රි ලංකාවේ දක්‍ෂතම සිසුන් ලෙස විශ්ව විද්‍යාල වරම් ලබන උපාධි අ‍පේක්ෂිතයින් තුළ ඉදිරි දැක්මක් සහිතව ජීවිතය සැලසුම් කොට ගෙන නිර්මාණශිලිව වැඩ ලෝකයට අනුගත වීමටත්, ඔවුන්ගේ විභව්‍යතාවයන්හි මුඵ ශක්තිය රටේ සමාජ ආර්ථික සංවර්ධනයට යොදාගැනිම අත්‍යවශ්‍ය මෙන්ම කාලීන අවශ්‍යතාවයකි.

ගුරුවරුන් සදහා වෘත්තීය මාර්ගෝපදේශය පිළිබඳ දැනුවත් කිරිමේ වැඩමුළුව

පාසල් සිසුන් විශාල ප්‍රමාණයක් විවිධ මට්ට්ම්වලදී නුපුහුණු ශ්‍රමිකයින් ලෙස වාර්ෂිකව ශ්‍රම බලකායට එකතුවේ. එමනිසා පාසල් කාලය තුලදී පාසල් ළමුන්ට සිය අනාගත වෘත්තීය සැලැස්ම සකස් කර ගැනීම සදහා වෘත්තීය මාර්ගෝපදේශය හා උපදේශනය ලබාදීම අත්‍යවශ්‍ය වේ. එමගින් පාසලින් වැඩලොවට පිවිසෙන දරුවන් ඵළදායි ලෙස වැඩලෝකයට අවශෝෂණය කරගත හැකිවේ.

දෙමාපියන් දැනුවත් කිරීමේ වෘත්තීය මාර්ගෝපදේශ වැඩමුළු

මේ වෙනස්වන සමාජ ආර්ථික රටාව තුළ දරුවන් නිසි මගට යොමු කර රටට ඵලදායී පුරවැසියෙකු බිහි කිරීම දෙමාපියන්ගේ වගකීමයි. එමනිසා වෙනස් වන සමාජ ආර්ථික රටාව තුළ අධ්‍යාපන ක්‍ෂේත්‍ර, වෘත්තීය ක්‍ෂේත්‍ර පිළිබඳ පමණක් නොව දරුවන් නිවැරදිව හදා වඩා ගැනීමේ රටාව පිළිබඳවද දෙමාපියන් දැනුවත් වීම අත්‍යවශ්‍ය වේ. එමනිසා දරුවන්ගේ දක්ෂතා හඳුනා ගැනීම වෙනස් වන අධ්‍යාපන හා රැකියා ක්ෂේත්‍ර පිළිබඳවත්, දරුවන් හදා වඩා ගැනීමේ ක්‍රමවේද පිළිබඳවත් දැනුවත් කිරීම හා ඔවුන්ගේ දැනුම අලුත් කිරීම කාලීන අවශ්‍යතාවයකි. එය දරුවාගේ අනාගත වෘත්තීය සංවර්ධනයට සෘජු ලෙසම බලපෑම් සහගත වේ.

ස්වයං රැකියා ඇරඹීම සඳහා මාර්ගෝපදේශ ලබා දීමේ වැඩසටහන

රටක ආර්ථික සංවර්ධනයේදී ස්වයං රැකියා ක්ෂේත්‍රයට හිමිවන්නේ සුවිශේෂී ස්ථානයකි. එමනිසා ස්වයං රැකියා සදහා හැකියාවක්, දක්ෂතාවයක් ඇති තරුණ තරුණියන් ඒ සදහා යොමු කිරීම කාලීන අවශ්‍යතාවයකි.

අවධානමට ලක්වූවන් සඳහා වන වෘත්තීය මාර්ගෝපදේශ වැඩමුළුව

ශ්‍රී ලාංකීය තරුණ තරුණියන්ගෙන් සැලකිය යුතු ප්‍රමාණයක් විශේෂ අවශ්‍යතා සහිත, විවිධ ගැටුම්වලට මුහුණ දුන්, බලපෑම්වලට හසු වූ අවධානම් සහගත වාතාවරණයන්ට මුහුණ දෙමින් සිටින අතර ඔවුන් ප්‍රධාන ප්‍රවාහයට ගෙන රැකියා යෝග්‍යතාවය ඇතිකිරීම මගින් රටේ ආර්ථික සංවර්ධනයට දායක කර ගැනීම අත්‍යවශ්‍ය වේ.

හසර වෘත්තීය මාර්ගෝපදේශ අධ්‍යාපනික හා තොරතුරු සංග්‍රහය

රටේ සංවර්ධනයට දායක වන විභව්‍යතාවයන්ගෙන් හා දැනුම කුසලතා ආකල්ප යුත් ශ්‍රම බලකායක් නිර්මාණය කිරීමේදී සගරා පුවත් පත් වැනි ලිඛිත මාධ්‍ය හා ශ්‍රව්‍ය දෘශ්‍ය මාධ්‍යයන්ගෙන් ඉටුවන්නේ ඉතා ඉහළ මෙහෙයකි. ඒ අනුව අපේ රටට තවමත් නව්‍ය සංකල්පයක් වූ වෘත්තිය මාර්ගෝපදේශය හා උපදේශනය සමාජගත කොට තරුණ තරුණියන් සතු විභව්‍යතාවය රටේ සංවර්ධනයට යොදා ගැනිමටත්, රටේ සංවර්ධනයට උචිත දැනුම කුසලතා ආකල්පවලින් යුතු ශ්‍රම බලකායක් නිර්මාණය කිරීමත් අත්‍යවශ්‍ය වේ.

වෘත්තීය මංපෙත් වැඩසටහන

පාසල් අධ්‍යාපනයේ සාමාන්‍ය පෙළ උසස් පෙළ ආදි විවිධ කඩඉම් වලින් නුපුහුණු ශ්‍රමිකයින් ලෙස තරුණ තරුණියන් රැකියා වෙළෙඳ පො‍ළට එකතු වන අතර ඔවුන් අතරින් බොහෝමයක් නිවැරැදි වෘත්තීය අරමුණකින් තොරව විවිධ පාඨමාලා තෝරා ගැනීම, කිසිදු පාඨමාලාවකට ප්‍රවේශ නොවී විරැකියාවෙන් යුතුව නිකරුනේ කාලය ගත කරන තත්වයක් ඇති අතර මෙය රටේ සමාජ ආර්ථික සංවර්ධනයට ඉතා හානිකර අන්දමින් බලපෑමි කරයි.